Rudi Garsiya Belgiya terma jamoasini rasman boshqarishga kirishdi. Bu haqda mamlakat futbol federasiyasi rasmiy saytida ma’lum qilingan va vaqtni boy bermaslik uchun 60 yoshli mutaxassis hozirdanoq kadrlar bo‘yicha qarorlar qabul qilmoqda.
Birinchi navbatda Belgiya terma jamoasining yangi murabbiyi Kurtuaning terma jamoaga qaytishini istamoqda. Mutaxassis uni Belgiyaning eng yaxshi futbolchilaridan biri deb atadi va unga tayanishini aytdi.
Rudi Garsiya Tibo Kurtuadan tashqari Romelu Lukaku va Kevin de Bryuyneni ham qaytarmoqchi. Ular 2024 yil oxirida Millatlar ligasi o‘yinlarini o‘tkazib yuborishdi. Garsiya hujumchi va yarim himoyachi bilan uchrashib, ularning Belgiya terma jamoasidagi ishtirokini muhokama qilishni rejalashtirmoqda.
