Франциянинг "Лион" клуби ярим ҳимоячиси Райан Шерки Англия Премьер-лигасининг топ-клубларидан бирига ўтиши мумкин. Бу ҳақда «Teamtalk» журналистлари хабар бермоқда.
Манбага кўра, "Ливерпуль" ҳали ҳам 21 ёшли футболчини ўз сафига қўшиб олмоқчи. Мерсисайдликлар вакиллари Райаннинг ўйинларини диққат билан кузатиб боришмоқда. "Лион" ва Шерки ўртасида келишув мавжуд бўлиб, унга кўра футболчи январда 22,5 миллион еврога сотилиши мумкин.
Ярим ҳимоячи Франция чемпионатининг жорий мавсумида 14 та ўйинда майдонга тушди.













