"Милан" яна Сантьяго Хименесни сотиб олишга ҳаракат қилади.

Олдинроқ Италия клуби 23 ёшли ҳужумчи учун 30 миллион евродан кам пул таклиф қилгани, "Фейеноорд" эса 40 миллион талаб қилаётгани маълум бўлганди.

Журналист Маттео Мореттонинг хабар беришича, "россонерилар" иккинчи расмий трансфер таклифини тайёрламоқда. Улар Нидерландия клуби талабларига яқинлаша олишларига ишончлари комил.

Футболчининг ўзи "Милан" билан яна бир мавсумга узайтириш имконияти билан 2028 йилгача шартнома имзолаши мумкин.

Жорий мавсумда Хименес Эредивизияда 11 та ўйин ўтказиб, 7 та гол урди ва 1 та голли узатмани амалга оширди.