"Манчестер Сити" декабрь ойининг биринчи ярмидан бери илк бор АПЛнинг кучли тўртлигига кирди.
Пеп Гвардиола шогирдлари Англия чемпионатининг 23-турида "Челси"ни мағлуб этди (3:1) ва турнир жадвалида улардан ўзиб кетди.
"Шаҳарликлар" ҳисобида 41 очко бор. "Ньюкасл"да ҳам худди шунча очко бор, аммо тўплар фарқи ёмонроқ. "Челси" улардан бир очко ортда қолиб, 6-ўринда бормоқда.
"Ливерпуль" 22 ўйиндан сўнг 53 очко билан АПЛда пешқадамлик қилмоқда.














