"Барселона" марказий ҳимоячиси Андреас Кристенсен бошқа жамоага ўтиш ҳақида ўйламоқда.
Даниялик август ойидан бери майдонга тушмаяпти. У Ла Лиганинг 1-турида "Валенсия"га қарши ўйинда жароҳат олганидан сўнг январь ойида тузалиб кетганди. 28 ёшли футболчи сўнгги учта қайдномага киритилди, аммо бир дақиқа ҳам майдонга тушмади - барча ҳолатларда Ханс-Дитер Флик уни захирада қолдирди. Catalunya Radio хабарига кўра, марказий ҳимоячи ўйин вақти камлиги сабабли қишки трансфер ойнасида кетишни ўйламоқда.
Андреас Кристенсеннинг "Барселона" билан шартномаси 2026 йилгача мўлжалланган. Transfermarkt экспертлари томонидан 20 миллион еврога баҳоланган футболчига қизиқиш "Манчестер Юнайтед" томонидан бўлмоқда.
