"Милан"нинг ўнг қанот ҳимоячиси Кайл Уокер Тео Эрнандес ҳақидаги саволга жавоб берди. Англиялик футболчи ҳали “россонерилар” сафида дебют қилгани йўқ.
Италия клуби яқинда 34 ёшли футболчини "Манчестер Сити"дан ижарага олди, шартномага сотиб олиш имконияти ҳам киритилган.
Журналистлар душанба куни бўлиб ўтган матбуот анжуманида юлдуз янги футболчидан Тео Эрнандес ҳақида сўрашди.
"Мен Англия терма жамоасида Теога қарши ўйнадим. У топ футболчи, унинг статистикаси ўз-ўзидан гапиради.
Бу фақат бошланиши бўлиши мумкин, чунки у эндигина 26 ёшда.
"Манчестер Сити"га келганимда 27 ёшда эдим. Ўйлайманки, бу ҳимоячи учун энг муҳим босқич, фаолиятингизнинг чўққиси.
Тео ҳужумда ҳам, ҳимояда ҳам устун бўладиган билимга эга. Агар унга маслаҳат керак бўлса, мен доимо у ерда бўламан", - дея Уокернинг сўзларини келтиради ТМW.
