Туриннинг "Ювентус" клуби бразилиялик ҳимоячи Данилони тарк этганини элон қилди. Клубнинг собиқ сардори билан шартнома ўзаро келишув асосида бекор қилинган.
"Данило ҳар доим профессионаллик ва фидойилик намунаси бўлиб келган. Биз фақат энг яхши тилакларни тилашимиз мумкин бўлган чемпион: ҳаммаси учун раҳмат ва келажакда омад, Данило!" — дейилади клуб сайтида.
Бразилиялик ҳимоячи “Ювентус” сафида 213 та ўйин ўтказиб, 9 та гол урган.