Майк Тулльберг мавсум охиригача "Боруссия" бош мураббийи бўлиб қолиши мумкин.
Олдинроқ клуб раҳбарияти "Бавария"нинг собиқ устози Нико Ковач билан учрашиб, ҳамкорликни муҳокама қилгани маълум бўлганди.
Sky Sport хабарига кўра, дортмундликлар 53 ёшли мутахассис ёзгача жамоани бошқаришини истамоқда. Бироқ, хорватиялик мураббий вақтинчалик лавозимни эгаллашга тайёр эмаслигини маълум қилди.
Қайд этилишича, Ковач билан музокаралар натижа бермаса, у ҳолда бош мураббий вазифасини бажарувчи Майк Тулльберг "Боруссия" билан мавсум охиригача ишлашда давом этиши мумкин.