"Бавария" ярим ҳимоячиси Леон Горецка жароҳатидан фориғ бўлиб, машғулотларга қайтди. Футболчи Бундеслиганинг 19-туридан ўрин олган "Фрайбург"га қарши ўйинда (1:2) алмаштирилди.
Бугун "Бавария" Чемпионлар лигасидаги сўнгги ўйини олдидан ўйинолди машғулот ўтказди. Горецка майдонга чиқди ва югуриш ишларини бажарди.
"Бавария" навбатдаги ўйинини 30 январь куни Мюнхенда "Слован"га қарши ўтказади. Ўйин Тошкент вақти билан 01:00 да бошланади.
Жорий мавсумда Горецка 22 та ўйинда майдонга тушиб, 4 та гол урди ва битта голли узатмани амалга оширди.