"Сантос" президенти Неймар ўз шаҳрига қайтишини тасдиқлади.
"Ал-Ҳилол" 32 ёшли ҳужумчи билан шартномани бекор қилганини маълум қилди. Неймар фаолиятини бошлаган "Сантос"га қайтишга яқин экани хабар қилинганди.
"Сантос" президенти Марсело Тейшейра Неймарнинг қайтишини тасдиқловчи видеони эълон қилди.
"Мен кечагидек эслайман, бизнинг абадий сардоримиз Зито Алеман билан бирга менинг олдимга келиб, севимли ва унутилмас Бетиньо кашф этган янги истеъдод ҳақида гапириб беришганди. Бу боланинг исми - Неймар эди.
Бу исм унинг истеъдоди каби ғайриоддий. Ва бу ажойиб истеъдод. Бу боланинг ўсиб улғайганини ва "Сантос" мухлислари, Бразилия ва бутун дунёнинг қалбини забт этган даҳога айланганини кўриш нақадар қувончли эди.
Неймар, сен ўз орзуларига эришиш учун "Сантос"ни тарк этди. Аммо у биз ҳеч қачон унутмайдиган ваъда қолдирди: "Мен кетяпман, лекин қайтиб келаман". Эсингиздами? Ишончим комилки, бу ибора шу йиллар давомида сизни кузатиб келган.
Вақт келди, Неймар. Халқимизга, уйимизга, севимли клубимизга қайтиш вақти келди. Хуш келибсиз, Неймар! Сантослик бола!
Муқаддас футболкада яна бахтли бўлиш учун қайтиб келинг. "Сантос мухлислари сизни қучоқ очиб кутишмоқда" - деди Тейшейра.
Неймар 2009 йилдан 2013 йилгача "Сантос"да ўйнаб, "Copa do Brasil", "Copa Libertadores", "Recopa" ютган ва клуб билан учта Паулиста чемпионлигини қўлга киритган.
