"Santos" prezidenti Neymar o‘z shahriga qaytishini tasdiqladi.
"Al-Hilol" 32 yoshli hujumchi bilan shartnomani bekor qilganini ma’lum qildi. Neymar faoliyatini boshlagan "Santos"ga qaytishga yaqin ekani xabar qilingandi.
"Santos" prezidenti Marselo Teysheyra Neymarning qaytishini tasdiqlovchi videoni e’lon qildi.
"Men kechagidek eslayman, bizning abadiy sardorimiz Zito Aleman bilan birga mening oldimga kelib, sevimli va unutilmas Betinyo kashf etgan yangi iste’dod haqida gapirib berishgandi. Bu bolaning ismi - Neymar edi.
Bu ism uning iste’dodi kabi g‘ayrioddiy. Va bu ajoyib iste’dod. Bu bolaning o‘sib ulg‘ayganini va "Santos" muxlislari, Braziliya va butun dunyoning qalbini zabt etgan dahoga aylanganini ko‘rish naqadar quvonchli edi.
Neymar, sen o‘z orzulariga erishish uchun "Santos"ni tark etdi. Ammo u biz hech qachon unutmaydigan va’da qoldirdi: "Men ketyapman, lekin qaytib kelaman". Esingizdami? Ishonchim komilki, bu ibora shu yillar davomida sizni kuzatib kelgan.
Vaqt keldi, Neymar. Xalqimizga, uyimizga, sevimli klubimizga qaytish vaqti keldi. Xush kelibsiz, Neymar! Santoslik bola!
Muqaddas futbolkada yana baxtli bo‘lish uchun qaytib keling. "Santos muxlislari sizni quchoq ochib kutishmoqda" - dedi Teysheyra.
Neymar 2009 yildan 2013 yilgacha "Santos"da o‘ynab, "Copa do Brasil", "Copa Libertadores", "Recopa" yutgan va klub bilan uchta Paulista chempionligini qo‘lga kiritgan.
