Яқинда биз А Сериянинг учта клуби Паоло Мальдинининг ўғли Даниэль хизматига даъвогарлик қилаётгани ҳақида хабар берган эдик, энди маълум бўлишича, буни энг кўп талаб қилаётган "Аталанта" бош мураббийи Жан Пьеро Гасперини экан.
Жамоа яқинда Африканинг энг яхши футболчиси Адемола Лукманни жароҳати туфайли йўқотди ва энди унинг ўрнига зудлик билан ўринбосар керак. Мальдини эса яхши вариантга ўхшайди.
Маълумотни нуфузли италиялик журналист Жанлука ди Марцио тасдиқлади. Ди Марционинг фикрича, "Аталанта" учун яна бир вариант "Наполи" футболчиси Жакомо Распадоридир.