"Реал" Винисиус Жуниорни сотиш ниятида эмас.
"Реал"нинг бразилиялик вингери келаси ёзда Саудия Арабистони чемпионати билан шартнома имзолашга уриниб кўриши аввалроқ хабар қилинган эди. Араблар бразилиялик футболчи учун 300 миллион авро тўлашга тайёр.
COPE нашри хабарига кўра, Мадрид клубига ҳозирча ҳеч қандай таклиф тушмаган, футболчининг ўзи эса бу ҳақда ҳеч нарса демаган. Клуб футболчини сотиш ҳақида ўйламаяпти ва бразилияликнинг ўзи уни қўйиб юборишни сўраса ва "Реал"га тегишли таклиф тушсагина бу вариантни кўриб чиқади.
Винисиус жорий мавсумда Ла Лигада 15 та ўйин ўтказиб, 8 та гол урди ва 5 та голли узатмани амалга оширди.
