"Real" Vinisius Juniorni sotish niyatida emas.

"Real"ning braziliyalik vingeri kelasi yozda Saudiya Arabistoni chempionati bilan shartnoma imzolashga urinib ko‘rishi avvalroq xabar qilingan edi. Arablar braziliyalik futbolchi uchun 300 million avro to‘lashga tayyor.

COPE nashri xabariga ko‘ra, Madrid klubiga hozircha hech qanday taklif tushmagan, futbolchining o‘zi esa bu haqda hech narsa demagan. Klub futbolchini sotish haqida o‘ylamayapti va braziliyalikning o‘zi uni qo‘yib yuborishni so‘rasa va "Real"ga tegishli taklif tushsagina bu variantni ko‘rib chiqadi.

Vinisius joriy mavsumda La Ligada 15 ta o‘yin o‘tkazib, 8 ta gol urdi va 5 ta golli uzatmani amalga oshirdi.