"Нефтчи" жамоаси селекция ишлари жараёнини доимгидек фаол тарзда давом эттирмоқда. Клуб раҳбарияти бугун навбатдаги трансфер келишувини амалга оширди.

Фарғоналиклар Ўзбекистон Олимпия терма жамоасининг асосий футболчиси бўлган чап қанот ҳимоясида ҳаракатланадиган Иброҳимхалил Йўлдошев билан 1 йиллик шартнома имзолади. Футболчи ўтган йилги мавсумни Қозоғистон чемпиони бўлган "Қайрат" жамоасида ўтказди. Ҳуқуқий жиҳатдан Россиянинг "Пари НН" клубига тегишли бўлган футболчи жамоага эркин агент мақомида келиб қўшилди.