"Астон Вилла" бош мураббийи Унаи Эмери ҳужумчи Олли Уоткинснинг кетиши мумкин бўлган вазиятга изоҳ берди.
Чоршанба кунги Чемпионлар лигаси доирасидаги "Селтик"га қарши ўйин олдидан "Арсенал" "Вилла"нинг 29 ёшли юлдузи учун таклиф билан чиққани ҳақида хабарлар пайдо бўлди.
"Мен Уоткинснинг кетишини хоҳламайман. У бизнинг ҳужумчимиз. Бошқа клублардан таклифлар олиш ажойиб, аммо бизнинг ўз спорт мақсадларимиз бор ва шунинг учун биз жуда талабчан бўламиз", - дея Эмерининг сўзларини келтиради журналист Фабрицио Романо.
Уоткинс "Селтик" устидан 4:2 ҳисобида ғалаба қозонган ўйинда бир гол, иккита голли узатма амалга оширди.
