"Барселона" вингери Рафинья Диас ҳар сафар алмаштирилганда Ламин Ямал нима учун жаҳл қилишини тушунишини айтди.
"Ҳа, мен уни тўлиқ тушунаман. Охир оқибат, у фантастик футболчи ва ҳар доим майдонда бўлишни хоҳлайди. Мен ҳам унинг ёшида бўлганимда кўп марта ғазабланганман. Унинг хафа бўлиши одатий ҳол. Мен унга ёрдам беришга ҳаракат қиламан ва унинг ўйин даражасидан жуда мамнунман", деди Рафинья журналистларга.
Кеча "Барселона" Чемпионлар лигаси умумий босқичининг 8-турида "Аталанта" билан дуранг ўйнади. Учрашув 2:2 ҳисобида якунланди.
17 ёшли Ямал 90 дақиқани майдонда ўтказди ва битта гол урди. Айтиш жоизки, вингер фақат қўшиб берилган вақтида алмаштирилди, бироқ у майдонни тарк этганидан унчалик мамнун эмасди.
