“Андижон”нинг “Ворскла” (4:3) жамоасига қарши учрашувидан сўнг “Андижон” матбуот хизмати рақиб жамоа бош мураббийи Юрий Максимовнинг фикрлари билан ҳам қизиқди.

- Юрий Вилёвич, ўйин сизда қандай тассурот қолдирди?

- Бу ўз номи билан ўртоқлик учрашуви. Бундай баҳсларда эса футболчиларнинг устунлик ва камчиликлари борасида хулосалар чиқарамиз. Яхшироқ тасаввур ҳосил бўлади. Хатоларга келсак, хатолик ҳар доим учрайди. Хатоларни эса тўғрилаш мумкин. Асосийси, футболчиларнинг ҳаммаси соғ ва саломат.

- Учрашувда 7 та гол урилди. Сиз буни кутганмидингиз?

- Ўртоқлик учрашувида дарвозаларга кўпроқ гол киритилишидан ажабланиш ярамайди. Расмий мақомдагида бўлса, бунга жиддий эътибор қаратиш даркор.

- Бунгача “Андижон” ҳақида қандай маълумотларга эга эдингиз?

- “Андижон”нинг ўтган мавсум Ўзбекистон Кубокиги қўлга киритгани ҳақидаги маълумотдан хабар топганимга кўп бўлмади. Ҳар бир клубнинг ўз вазифаси бор. Масалан, сизларнинг ҳам, бизнинг ҳам олдимизга албатта муайян вазифалар қўйилади.

- Умуман, “Андижон” жамоаси ҳақида фикрингиз қандай?

- Жамоангизга келсак, у менга ёқди. Яхши, тезкор ва техник салоҳияти ҳам анча юқорилиги баҳс давомида сезилиб турди.