“Andijon”ning “Vorskla” (4:3) jamoasiga qarshi uchrashuvidan so‘ng “Andijon” matbuot xizmati raqib jamoa bosh murabbiyi Yuriy Maksimovning fikrlari bilan ham qiziqdi.

- Yuriy Vilyovich, o‘yin sizda qanday tassurot qoldirdi?

- Bu o‘z nomi bilan o‘rtoqlik uchrashuvi. Bunday bahslarda esa futbolchilarning ustunlik va kamchiliklari borasida xulosalar chiqaramiz. Yaxshiroq tasavvur hosil bo‘ladi. Xatolarga kelsak, xatolik har doim uchraydi. Xatolarni esa to‘g‘rilash mumkin. Asosiysi, futbolchilarning hammasi sog‘ va salomat.

- Uchrashuvda 7 ta gol urildi. Siz buni kutganmidingiz?

- O‘rtoqlik uchrashuvida darvozalarga ko‘proq gol kiritilishidan ajablanish yaramaydi. Rasmiy maqomdagida bo‘lsa, bunga jiddiy e’tibor qaratish darkor.

- Bungacha “Andijon” haqida qanday ma’lumotlarga ega edingiz?

- “Andijon”ning o‘tgan mavsum O‘zbekiston Kubokigi qo‘lga kiritgani haqidagi ma’lumotdan xabar topganimga ko‘p bo‘lmadi. Har bir klubning o‘z vazifasi bor. Masalan, sizlarning ham, bizning ham oldimizga albatta muayyan vazifalar qo‘yiladi.

- Umuman, “Andijon” jamoasi haqida fikringiz qanday?

- Jamoangizga kelsak, u menga yoqdi. Yaxshi, tezkor va texnik salohiyati ham ancha yuqoriligi bahs davomida sezilib turdi.