Стивен Жеррард "Ал-Иттифоқ"ни тарк этди.
Саудия Арабистони клуби бош мураббий билан шартномани ўзаро келишув асосида бекор қилганини маълум қилди. Жеррард шахсий сабабларга кўра истеъфога чиқишга қарор қилгани хабар қилинганди.
Жеррард 2023 йилнинг июлида "Ал-Иттифоқ"ни қабул қилиб олган эди. Саудия Арабистони чемпионатининг жорий мавсумида "Ал-Иттифоқ" 17 турдан кейин 19 очко жамғарган ҳолда турнир жадвалининг 12-поғонасида бормоқда.