"Наполи" ҳимоячи Пьетро Комуццони ўз сафига қўшиб олмоқчи.
Журналист Жанлука Ди Марционинг ёзишича, 19 ёшли футболчи неаполликлар клубининг асосий нишони. Футболчининг трансфери бўйича "Фиорентина" билан музокаралар давом этмоқда.
"Наполи" аллақачон бонуслар билан бирга 35 миллион эвро таклиф қилган. Клуб бонусларни ҳисобга олган ҳолда 40 миллион еврога умид қилаётгани маълум бўлса-да, "бинафшаранглар"дан ҳозирча жавоб йўқ.
Комуццонинг агенти ўз навбатида "Фиорентина" билан учрашув ўтказиб, вазиятни муҳокама қилди ва "Наполи"дан тушган таклифга баҳо берди.
Бундан ташқари, "Ювентус" ҳам футболчи ҳақида маълумот сўраган, бироқ расмий таклиф билан чиқмаган.
