"Милан" қишда Самуэле Риччини ижарага олишга уриниб кўради.
Олдинроқ "Торино"нинг 23 ёшли футболчиси миланликларнинг июнь ойида ярим ҳимоя чизиғини кучайтиришдаги асосий мақсади эканлиги ҳақида хабар берилган эди.
"Милан" раҳбарияти қишки трансфер ойнаси вақтида ҳам Пьемонте клуби, ҳам футболчининг атрофидагилар билан дастлабки алоқаларни бошлаб юборган.
Calciomercato хабарига кўра, Турин клуби футболчини ҳеч бўлмаганда июнь ойигача сақлаб қолиш истагига қарамай, "Милан" январь ойидаёқ футболчини қўлга киритишга ҳаракат қилади. Яқинда Риччи 2028 йилгача мўлжалланган янги шартнома имзолади. Аммо, агар муҳим таклиф бўлса - 25 миллион евродан кўпроқ - уни қўйиб юбориш керак.
"Россонерилар"нинг ҳозирги таклифи - сотиб олиш имконияти билан ижара. Агар "Торино" қишда таклифни рад қилса, "Милан" июнгача кутишга тўғри келади, трансфер нархи ўша вақтда 30 миллион евро атрофида бўлиши мумкин.
