Бокс бўйича икки карра Олимпия ўйинлари ғолиби, супероғир вазнли Баҳодир Жалолов (14-0, 14 КО) британиялик Жо Жойс (16-3, 15 КО) билан реванш жангини ўтказиш истаги борлигини маълум қилди.
Бу икки боксчи 2016 йили Рио-де-Жанейро (Бразилия)да бўлиб ўтган Олимпия ўйинларининг чорак финалида тўқнаш келганди. Ўша жангда Жойс очколар ҳисобига кўра ғалаба қозонганди. Энди бу қарама-қаршилик проф боксда давом этиши мумкин.
— Ҳаваскор сифатида Рио-2016 Олимпиадасида британиялик Жо Жойсга ютқазгандингиз. У билан профессионал рингда реванш жангини ўтказишни хоҳлайсизми?
"Ҳа, албатта. Агар шундай жанг ўтказилса, биз хурсанд бўламиз" Мен катта жангларга тайёрман, лекин унгача яна бир ёки иккита жанг ўтказиб олишим керак. Кўпроқ раунд ўтказишим лозим. Мен ҳаваскор сифатидаги фаолиятимни тугатдим. Яна бир ёки иккита жанг керак, кейин исталган рақиб билан жанг қилишим мумкин", деди Жалолов.
Маълумот учун, Баҳодир Жалолов 6 февраль куни Канаданинг Монреаль шаҳрида ташкил этиладиган проф бокс оқшомида франциялик Девид Спилмонтга қарши жанг ўтказади.
%20%D0%B1%D1%80%D0%B8%D1%82%D0%B0%D0%BD%D0%B8%D1%8F%D0%BB%D0%B8%D0%BA%20%D0%96%D0%BE%20%D0%96%D0%BE%D0%B9%D1%81%20(16-3%2C%2015%20%D0%9A%D0%9E)%20%D0%B1%D0%B8%D0%BB%D0%B0%D0%BD%20%D1%80%D0%B5%D0%B2%D0%B0%D0%BD%D1%88%20%D0%B6%D0%B0%D0%BD%D0%B3%D0%B8%D0%BD%D0%B8%20%D1%9E%D1%82%D0%BA%D0%B0%D0%B7%D0%B8%D1%88%20%D0%B8%D1%81%D1%82%D0%B0%D0%B3%D0%B8%20%D0%B1%D0%BE%D1%80%D0%BB%D0%B8%D0%B3%D0%B8%D0%BD%D0%B8%20%D0%BC%D0%B0%D1%8A%D0%BB%D1%83%D0%BC%20%D2%9B%D0%B8%D0%BB%D0%B4%D0%B8.&image=%2Fimages%2Fnews%2Fjalolov-joyce.jpg&noparse=true){kind=link}