«Терек» — «Амкар» ўйинидан кейин россиялик лайсмен Мусо Қодировнинг футболдан четлатилгани ҳақида хабар бериб ўтган эдик. Ҳакам ҳозирги ҳаёти ҳақида фикр билдириб ўтди.

— Ўзингизни боксда қандай ҳис қиляпсиз? (Ҳакам футболдан четлатилганидан кейин Чеченистон президенти уни ўзининг бокс клубига қабул қилган эди)
— Ўз ишим билан шуғулланяпман. Менга юклатилган вазифаларни бажариш билан бандман. Менинг вазифам директор ёрдамчиси. Билмайман яна нима дейиш мумкин...

— Футболни соғиндингизми?
— Усиз ўзимни худди танамнинг бир қисми йўқдай ҳис қилмоқдаман. Қўлим, ёки оёғим... биласиз энди менга ҳакамлик қилиш мумкин эмас. Футбол ўйнаш, агентлик ёки мураббийлик қилиш ҳам мумкин эмас. Футбол била боғлиқ ҳамма нарса мен учун ёпиқ. Бўлди. Бу ишга нуқта қўйилди. Апелляция ёздим.

— Натижаси нима бўлди?
Фойдаси бўлмади. Ҳеч нарсани ўзгартиришмади. Энди жарима тўлашим керак.

— Россияда ишдан ажралган одамнинг бир ой ичида ярим миллион рубл топиши осон иш эмас. Энди нима қилмоқчисиз?
— Мен ҳали тўлаганим йўқ. Регламентда 500 минг рубл деган жойи йўқ эди. Билмадим қаердан келиб қолди бунча жарима»,- дейдиқ Қодиров.