"Барселона" ҳужумчиси Ансу Фати қишки трансфер ойнасида ҳам клубни тарк этиши мумкин.
Испаниялик футболчи "Порту"нинг нишонига айланди.
Журналист Педро Алмейда хабарига кўра, "аждарлар" 22 ёшли футболчини ижарага бериш бўйича "кўк-анорранглилар"га расмий таклиф билан чиқишган.
Январь ойининг сўнгги кунида Португалия гранди ҳужумда муҳим роль ўйнаган Галено билан хайрлашди.
Бразилиялик футболчини Саудия Арабистонининг “Ал Аҳли” клуби 50 миллион евро эвазига сотиб олди.
Ансу Фатига "Фенербахче", "Бешиктош", "Аякс", "Тоттенхэм", "Севилья", "Жирона" ва бошқа кўплаб клублар қизиқиш билдирмоқда.
Машҳур Transfermarkt сайти форварднинг трансфер қийматини 10 миллион еврога баҳолаган.
