Пойтахтимиз Тошкентда "Ҳумо" хоккей жамоаси Қозоғистон мунтазам чемпионатининг навбатдаги турида "Номад" жамоаси билан куч синашди.
Айтиш лозим, жамоалар шу кунгача 17 маротаба тўқнаш келишган, уларнинг 10 тасида "Ҳумо", қолганида "Номад" вакиллари муваффақиятга эришган.
Қизиқарли кечган ўйинда ҳамюртларимиз 6:1 ҳисобида зафар қучди. “Ҳумо” вакилларидан Вадим Кравченко, Жавоҳир Расулов, Егор Буяльский, Александр Дербенёв, Артём Мальцев ва Денис Лудцев киритилган шайбаларга муаллифлик қилишди.
Меҳмонлар сафидаги ягона шайба Кирилл Никитин ҳисобига ёзилди.
Кечаги ғалаба эвазига "Ҳумо" 56 очко билан турнир жадвалидаги 2-ўринни янада мустаҳкамлади. "Номад" эса 35 очко билан 8-поғонада бормоқда.
Бугун, 1 февраль куни жамоалар ўртасидаги иккинчи учрашув ўтказилади.
