Poytaxtimiz Toshkentda "Humo" xokkey jamoasi Qozog‘iston muntazam chempionatining navbatdagi turida "Nomad" jamoasi bilan kuch sinashdi.
Aytish lozim, jamoalar shu kungacha 17 marotaba to‘qnash kelishgan, ularning 10 tasida "Humo", qolganida "Nomad" vakillari muvaffaqiyatga erishgan.
Qiziqarli kechgan o‘yinda hamyurtlarimiz 6:1 hisobida zafar quchdi. “Humo” vakillaridan Vadim Kravchenko, Javohir Rasulov, Yegor Buyalskiy, Aleksandr Derbenyov, Artyom Malsev va Denis Ludsev kiritilgan shaybalarga mualliflik qilishdi.
Mehmonlar safidagi yagona shayba Kirill Nikitin hisobiga yozildi.
Kechagi g‘alaba evaziga "Humo" 56 ochko bilan turnir jadvalidagi 2-o‘rinni yanada mustahkamladi. "Nomad" esa 35 ochko bilan 8-pog‘onada bormoqda.
Bugun, 1 fevral kuni jamoalar o‘rtasidagi ikkinchi uchrashuv o‘tkaziladi.