"Ливерпуль" бош мураббийи Арне Слот ҳужумчи Муҳаммад Салоҳ ўзи ва клуб учун "тўғри қарор" қабул қилишига умид билдирди.

Сўнгги пайтларда Салоҳнинг Саудия Арабистонига кетиши ҳақидаги миш-мишлар янги куч билан авж олди. "Ал-Ҳилол" Салоҳнинг "Ливерпул"ни тарк этиши мумкин бўлган манзили сифатида эътироф этилган.

"Агар дунёда кимдир Салоҳни хоҳламаслигини айтса, мен учун сюрприз бўлади", - дейди у.

"У кўп йиллар давомида жуда муваффақиятли ўйнади ва шунинг учун ҳам, эҳтимол, ҳамма уни хоҳлайди. У узоқ вақт давомида менинг маслаҳатимсиз жуда муваффақиятли бўлди, шунинг учун эҳтимол менинг маслаҳатимсиз у ўз фаолияти учун энг яхши нарсани қилишни давом эттириши мумкин.

Унга маслаҳатим нима бўлишини аллақачон тушундингиз. Ҳамма уни хоҳлайди, жумладан биз ҳам. Албатта, биз унинг шартномасини узайтиришини хоҳлаймиз. Бу аниқ.

Саудияликлар буни хоҳлаётганига ҳайрон эмасман. Лекин бошқа давлатлар ҳам буни хоҳласа, ҳайрон бўлмасдим.

У етарлича этук ва доно ва ўзи учун ва биз учун ҳам тўғри қарор қабул қилиш учун ўз фаолиятида жуда кўп ақлли ишларни қилди", - деди Слот Evening Standard билан суҳбатда.