"Liverpul" bosh murabbiyi Arne Slot hujumchi Muhammad Saloh o‘zi va klub uchun "to‘g‘ri qaror" qabul qilishiga umid bildirdi.

So‘nggi paytlarda Salohning Saudiya Arabistoniga ketishi haqidagi mish-mishlar yangi kuch bilan avj oldi. "Al-Hilol" Salohning "Liverpul"ni tark etishi mumkin bo‘lgan manzili sifatida e’tirof etilgan.

"Agar dunyoda kimdir Salohni xohlamasligini aytsa, men uchun syurpriz bo‘ladi", - deydi u.

"U ko‘p yillar davomida juda muvaffaqiyatli o‘ynadi va shuning uchun ham, ehtimol, hamma uni xohlaydi. U uzoq vaqt davomida mening maslahatimsiz juda muvaffaqiyatli bo‘ldi, shuning uchun ehtimol mening maslahatimsiz u o‘z faoliyati uchun eng yaxshi narsani qilishni davom ettirishi mumkin.

Unga maslahatim nima bo‘lishini allaqachon tushundingiz. Hamma uni xohlaydi, jumladan biz ham. Albatta, biz uning shartnomasini uzaytirishini xohlaymiz. Bu aniq.

Saudiyaliklar buni xohlayotganiga hayron emasman. Lekin boshqa davlatlar ham buni xohlasa, hayron bo‘lmasdim.

U yetarlicha etuk va dono va o‘zi uchun va biz uchun ham to‘g‘ri qaror qabul qilish uchun o‘z faoliyatida juda ko‘p aqlli ishlarni qildi", - dedi Slot Evening Standard bilan suhbatda.