Лондоннинг "Тоттенхэм" клуби "Манчестер Юнайтед" билан аргентиналик ҳужумчи Алехандро Гарначонинг трансфери борасида музокараларни бошлади. Бу ҳақда Daily Mail газетаси хабар бермоқда.
Манбага кўра, "манкунианликлар" ҳужумчи билан 72 миллион евро эвазига хайрлашишга тайёр. "Шпорлар" Алехандронинг "Манчестер Юнайтед"га трансфери бўйича сўров юборди ва жавобни кутмоқда.
Гарначо жорий мавсумда "манкунианликлар" сафида 35 та ўйин ўтказиб, 8 та гол урди ва 6 та голли узатмани амалга оширди. Ҳужумчининг “Манчестер Юнайтед” билан амалдаги шартномаси 2028 йилнинг ёзида якунига етади. Transfermarkt унинг нархини 50 миллион еврога баҳоламоқда.
