"Трабзонспор" Украина терма жамоаси вингери Олександр Назаренконинг трансфери бўйича "Полесь" клубига расмий таклиф билан чиқди.
Бу ҳақда ТаТоТаке хабар бермоқда.
Қайд этилишича, турк жамоаси Александр Зубков бўйича "Шахтёр" билан ҳам музокаралар олиб бормоқда.
"Трабзонспор" раҳбарияти иккала футболчини ҳам ўз сафига қўшиб олишни режалаштирмоқда. Ва у трансфер суммаси 10 миллион евродан ошмаслигини истамоқда.
Эслатиб ўтамиз, бир кун аввал турк клуби "Шахтёр" ҳужумчиси Даниил Сиканни ўз сафига қўшиб олганди. Шунингдек, “Заря”нинг собиқ ҳимоячиси Арсений Батагов ҳам “Трабзонспор” сафида ўйнамоқда.
