"Барселона" ўзининг собиқ юлдуз футболчилари - аргентиналик Лионель Месси ва бразилиялик Неймарни қайтариши мумкин.
Бу ҳақда El Gol Digital нашри хабар бермоқда.
Манбага кўра, иккаласи ҳам Каталония клубига қайтиш истагини билдиришган.
Лионелнинг "Интер Майами" билан шартномаси 2025 йилнинг декабрида тугайди, шунинг учун у "кўк-анорранглилар" сафига эркин агент сифатида қайтиши мумкин. Шу билан бирга, Неймарнинг қайтиши "Сантос"да яхши формага кира олсагина амалга ошиши мумкин.
Эслатиб ўтамиз, Месси аввалроқ АҚШдаги фаолиятини якунлаганидан сўнг келажаги ҳақида қарор қабул қилган эди. Аргентиналик футболчининг клуб билан шартномаси 2025 йилнинг 31 декабрига қадар тузилган, шундан сўнг у “Барселона”га қайтишни режалаштирмоқда.
Мессиинг оиласининг дўсти Янина Латорренинг айтишича, "Олтин тўп"нинг кўп карра соҳиби Майамида яшашни давом эттиришни истамайди, у ўз келажагини фақат Испанияда кўради.
