"Интер" бош мураббийи Симоне Индзаги Милан дербиси олдидан журналистлар билан суҳбатлашди.
Жамоалар якшанба куни А Сериянинг 22-турида тўқнаш келишади.
"Россонерилар" жорий мавсумда ўтказган икки учрашувда "нерадзуррилар"ни мағлуб этган: сентябрда амалдаги чемпион чемпионатдаги азалий рақибига мағлуб бўлган (1:2), январда эса Италия Суперкубогида (2:3).
"Биз "Милан"нинг кучли эканлигини биламиз. Олдинги иккита дерби биз учун омадсиз бўлди. Биринчи ҳолатда ғалабага ҳақли эди, иккинчисида эса ўзимиз назорат қилган ўйинни бой бердик.
Бу сафар ҳал қилувчи дақиқаларда ўзимизни яхшироқ кўрсатишимиз керак", - деди Индзаги матбуот анжуманида.
