"Inter" bosh murabbiyi Simone Indzagi Milan derbisi oldidan jurnalistlar bilan suhbatlashdi.
Jamoalar yakshanba kuni A Seriyaning 22-turida to‘qnash kelishadi.
"Rossonerilar" joriy mavsumda o‘tkazgan ikki uchrashuvda "neradzurrilar"ni mag‘lub etgan: sentyabrda amaldagi chempion chempionatdagi azaliy raqibiga mag‘lub bo‘lgan (1:2), yanvarda esa Italiya Superkubogida (2:3).
"Biz "Milan"ning kuchli ekanligini bilamiz. Oldingi ikkita derbi biz uchun omadsiz bo‘ldi. Birinchi holatda g‘alabaga haqli edi, ikkinchisida esa o‘zimiz nazorat qilgan o‘yinni boy berdik.
Bu safar hal qiluvchi daqiqalarda o‘zimizni yaxshiroq ko‘rsatishimiz kerak", - dedi Indzagi matbuot anjumanida.
