"Реал" ҳужумчиси Килиан Мбаппе "Эспаньол"дан учралган мағлубиятдан (0:1) сўнг намойишкорона интервью беришдан бош тортди.

Каталония жамоаси 85-дақиқада Карлос Ромеронинг голи эвазига ғалаба қозонди.

Ҳимоячи қаҳрамон бўлишидан олдин Килиан Мбаппега қўпол ўйнагани учун қизил карточка олиши мумкин эди.

Меҳмон жамоа устози Карло Анчелотти ўз норозилигини очиқчасига изҳор этиб, ҳакамларнинг Ромерони майдондан четлатмаслик қарорини тушунарсиз деб атади.

Журналистлар Мбаппенинг ўзидан воқеа ҳақида сўрашга ҳаракат қилишди, бироқ у ҳеч нарса демоқчи эмаслигини имо-ишора билан яққол кўрсатиб, ёнидан ўтиб кетди.