“Ливерпуль” ҳужумчиси Муҳаммад Салоҳ яна бир рекордга яқинлашди.

Шанба куни мисрлик "қизиллар"га "Борнмут"ни (2:0) мағлуб этишга ёрдам берди ва иккита гол урди.

Ҳозирда форварднинг Премьер-лигадаги “гилослар” дарвозасига урган голлари сони 11 тага етди.

Squawka хабарига кўра, "Борнмут" Салоҳ Англия Премьер-лигасида ўн ёки ундан ортиқ гол урган еттинчи жамоаси бўлди. Бу Премьер-лига тарихидаги турнир тўпурари Алан Ширердан кейинги иккинчи энг юқори кўрсаткичдир.

Муҳаммад Салоҳнинг Премьер-лигадаги энг севимли рақиби "Манчестер Юнайтед" ҳисобланади (13 та гол).

Футболчи "Борнмут", "Тоттенхэм", "Вест Хэм" ва "Арсенал"га қарши ўйинларда 11 та гол урган бўлса, "Ньюкасл" ва "Брайтон"га 10 тадан гол урган.