"Байер" ҳужумчиси Патрик Шик жорий мавсумда ажойиб ўйин кўрсатмоқда.
Чехиялик футболчи Бундеслигадаги сўнгги олтита ўйинда тўққиз марта рақиблар дарвозасини ишғол қилган.
Яқинда "Хоффенхайм"га қарши ўйинда (3:1) 29 ёшли футболчи бор-йўғи бир бўлимда ўйнаб, битта гол урди.
Opta маълумотларига кўра, Шик жорий Бундеслига мавсумида ўртача ҳар 59 дақиқада гол урди - бу Европанинг топ-5 лигаларида камида 10 та гол урган барча футболчилар орасида энг яхши кўрсаткичдир.
Рейтингнинг иккинчи поғонасида битта гол учун 76 дақиқа керак бўлган "Бавария" футболчиси Ҳарри Кейн, учинчи ўринга эса "Аталанта" вакили Матео Ретеги (77) жойлашган.
