ЦСКА ҳужумкор ярим ҳимоячиси Аббосбек Файзуллаев "қизил-кўклар"нинг тўрт ҳимоячили схемага ўтиши ҳақида ўз фикрини билдирди.
"Қишки йиғинлар доимо оғир кечади, чунки юкламалар кўп бўлади. Менимча, биз мавсумга яхши тайёргарлик кўряпмиз. Янги схемага ўтдик, уни ўрганяпмиз, бизга вақт керак. Ҳозирча ҳеч қандай муаммо йўқ, тўп билан кўпроқ ишлаяпмиз - ҳужумда ҳам, ҳимояда ҳам.
Илгари майдонда бундай паст позицияда ўйнамаганман, фақат терма жамоада ярим ҳимоя учлигида ўйнаганман. Мен саккизлик позициясида ўз ўйинимни юз фоиз кўрсатишга ҳаракат қиламан. Аммо болалигимдан ўнлик позициясида ўйнаганман, у ерда ҳам ўзимни яхши ҳис қиламан," - деди Файзуллаев.
