"Мидлсбро" ҳужумчиси Эммануэль Латте-Лат "Атланта Юнайтед"га ўтди.
Томонлар ўртасидаги келишув 2028 йилнинг декабрь ойи охиригача амал қилади ва яна бир мавсумга узайтириш имконияти мавжуд.
Маълумотларга кўра, "Атланта" Эммануэлни сотиб олиш учун МЛС учун рекорд 22 миллион доллар тўлаган ва бу 2024 йилнинг ноябрида Бельгиянинг "Серкл Брюгге" жамоаси ҳужумчиси Кевин Денкини сотиб олиш учун "Цинциннати" сарфлаган 16,2 миллион доллардан ошиб кетган.
Жорий мавсумда 26 ёшли Латте-Лат клуб даражасидаги барча мусобақаларда 31 та ўйин ўтказиб, 11 та гол урди ва 3 та голли узатмани амалга оширди.













