"Челси" "Ливерпуль" ҳужумчиси Луис Диасга даъвогарлар рўйхатига қўшилди.
28 ёшли футболчи "қизиллар" билан шартномасини янгилашга шошилмаяпти, амалдаги шартномаси эса 2027 йилда тугайди. Antena 2 хабарига кўра, "Челси" колумбиялик футболчини сотиб олишга жуда қизиқмоқда. Лондон клуби келаси ёзда форвардни ўз сафига жалб эта олишига ишончи комил ва уни энг кўп маош олувчи футболчилардан бирига айлантиришга тайёр.
Луис Диасга "Барселона" ҳам қизиқиш билдирмоқда. Ҳужумчи жорий мавсумда Арне Слот шогирдлари сафида Премьер-лигада 22 та ўйинда майдонга тушиб, 8 та гол урди ва 2 та голли узатмани амалга оширди.
