Испания футболи жамоатчилиги “Реал”ни ҳакамларга босим ўтказгани учун жазоланишини талаб қилмоқда.
Манбага кўра, кўпчилик клублар, Испания Қироллик футбол федерацияси ва Ла Лига "Реал" учун жазони талаб қилишган. Бир неча кун олдин Мадрид клуби ваколатли органларга хат йўллаб, уларда ҳакамликдан норозилигини билдирган ва ҳакамларнинг ҳалоллигига шубҳа билдирган.
Бир сўз билан айтганда, "қаймоқранглилар" лагери ҳакамлар Мадрид грандига қарши кампания олиб боришяпти, деб ҳисобламоқда.
Пайшанба куни клублар ва федерация йиғилиши бўлиб ўтди. Иштирокчиларнинг аксарияти “Реал”ни жазолаш ғоясини қўллаб-қувватлади.
Ҳеч ким бунга қарши чиқмади. "Реал Мадрид" бошқа клублар ва ҳакамларга ҳурматсизлик кўрсатмоқда", - деди учрашувда иштирок этган манба.
Йиғилишда "Реал Мадрид"дан вакиллар бўлмади, бироқ клуб дастлаб иштирок этишни тасдиқлаган эди.
