"Манчестер Юнайтед" бош мураббийи Рубен Аморим Маркус Рэшфорд билан муносабатларни муваффақиятли деб билмаган.
Форвард қишки трансфер ойнасининг сўнгги кунларида “Астон Вилла”га ижарага берилди. Кетиш олдидан 27 ёшли футболчи таркибдан четда қолиб кетди.
"Қизил иблислар" мураббийи унинг ишга муносабатидан норози эди.
"Айтишим мумкинки, мен Рэшфордга машғулотлар ва ўйинларга қандай тўғри ёндашувни кутаётганимни тушунтира олмадим.
Баъзида футболчи бир мураббий қўл остида чиндан ҳам яхши бўлади, лекин бошқа мураббий қўл остида кўп нарсани ўзгартиради.
Мен Маркус ва Унаи Эмерига энг яхши тилакларимни тилайман.
Умид қиламанки, улар тил топиша оладилар, чунки биз жуда яхши футболчи ҳақида гапиряпмиз", деди Аморим жума куни Англия кубоги доирасида "Лестер"га қарши ўйин олдидан.
