Мадриднинг "Реал" клуби қишки трансфер ойнасида ҳужумчи Эндрик учун таклиф олган эди.
18 ёшли футболчи камдан-кам ҳолларда асосий таркибга киритилади, бу эса унинг ижара асосида кетиши ҳақидаги миш-мишларга сабаб бўлади. RMC Спорт хабарига кўра, "Марсель" бразилиялик футболчини январь ойида сотиб олишга уринган. Француз клуби спорт директори Меҳди Бенатиа "Реал Мадрид" вакилларига мурожаат қилди, бироқ улар ўсиб бораётган юлдузни ҳаттоки ижарага ҳам қўйиб юбормасликларини дарҳол айтишди.
Эндрик жорий мавсумда Карло Анчелотти жамоаси сафида барча мусобақаларда 22 та ўйинда майдонга тушиб, 5 та гол ва 1 та голли узатмани амалга оширди.
