Таниқли инсайдер Фабрицио Романо "Бавария" ҳужумчиси Харри Кейннинг келажаги ҳақида гапирди.
Трансфер бўйича мутахассис инглиз футболчисининг шартномасида 65 миллион евролик товон пули борлигини тасдиқлади ва у келаси йилнинг январь ойидан кучга киради. Романонинг таъкидлашича, Премьер-лига клублари Кейннинг "Бавария" билан шартномаси тафсилотларидан хабардор, аммо ҳозирча форвард билан алоқага чиқмаган. 31 ёшли футболчининг ўзи Германияда бахтли ва кетиш ҳақида ўйламаяпти.
Харри Кейн Мюнхен грандига 2023 йилда "Тоттенхэм"дан кўчиб ўтганди. Жорий мавсумда футболчи Венсан Компани жамоаси сафида 27 та ўйинда майдонга тушиб, 26 та гол урди ва 10 та голли узатмани амалга оширди.
