Taniqli insayder Fabrisio Romano "Bavariya" hujumchisi Xarri Keynning kelajagi haqida gapirdi.
Transfer bo‘yicha mutaxassis ingliz futbolchisining shartnomasida 65 million yevrolik tovon puli borligini tasdiqladi va u kelasi yilning yanvar oyidan kuchga kiradi. Romanoning ta’kidlashicha, Premyer-liga klublari Keynning "Bavariya" bilan shartnomasi tafsilotlaridan xabardor, ammo hozircha forvard bilan aloqaga chiqmagan. 31 yoshli futbolchining o‘zi Germaniyada baxtli va ketish haqida o‘ylamayapti.
Xarri Keyn Myunxen grandiga 2023 yilda "Tottenxem"dan ko‘chib o‘tgandi. Joriy mavsumda futbolchi Vensan Kompani jamoasi safida 27 ta o‘yinda maydonga tushib, 26 ta gol urdi va 10 ta golli uzatmani amalga oshirdi.
