Эрон миллий терма жамоаси мураббийлар штабига ёрдамчи мураббий сифатида таклиф этилган португалиялик мутахассис Нелу Вингада бўлажак ўйинларда захира ўриндиғида ўтирмасигини маълум қилди.

Хабарингз бор, Карлос Кейруш ФИФА томонидан 2та ўйинга дисквалификация қилинган. У жазо муддати бирини Ўзбекистонга қарши ўйинда ўтаган бўлса, Қатарга қарши ўйинда ҳам захира ўриндиғида ўтириш ҳуқуқига эга эмас. Мураббийлар штабига жалб қилинган Вингада Қатар билан ўйинда юртдошининг захира ўриндиғида йўқлигини билинтирмаслиги кераклиги кутилганди. Аммо бундай бўлиб чиқмади.

Вингаданинг қисқа вақтга Эрон терма жамоасига чақирилгани мутахассиснинг қитъа футболини яхши билиши билан изоҳланди. Нелу Вингада ҳозирги кунда Хитойнинг "Далян Шайде" клуби бош мураббийи ҳисобланади. Эронликларнинг Теҳронда Ливанга қарши ўйинида ҳам Вингада иштирок эта олмайди. У 11-14 июнь кунлари Лиссабонда ташкил этиладиган семинарда иштирок этади.