"Реал"нинг украиналик дарвозабони Андрей Лунин келаси ёзда клубини ўзгартириши мумкин.

Бу ҳақда Fichajes хабар бермоқда.

Манбага кўра, дарвозабонга Саудия Арабистонининг бир қатор жамоалари қизиқиш билдирган. Бироқ Лунинга қайси клублар қизиқиш билдираётгани номаълум.

Қайд этилишича, Андрей 2025 йилнинг ёзидаёқ "қаймоқранглилар" сафида барқарор ўйин амалиёти йўқлиги сабабли таклифларни кўриб чиқишга тайёр.

Январь ойида "Реал Мадрид" президенти Флорентино Перес клуб ривожига ҳеч қандай таъсир ўтказа олмайдиган баъзи футболчиларни трансферга қўйишга қарор қилгани ҳақида хабарлар тарқалган эди. Улар орасида шартномаси 2030 йилнинг ёзига қадар тузилган Лунин ҳам бор эди.

Жами Андрей жорий мавсумда “Реал” сафида барча турнирларда 8 та ўйин ўтказиб, 10 та гол ўтказиб юборди.