"Real"ning ukrainalik darvozaboni Andrey Lunin kelasi yozda klubini o‘zgartirishi mumkin.

Bu haqda Fichajes xabar bermoqda.

Manbaga ko‘ra, darvozabonga Saudiya Arabistonining bir qator jamoalari qiziqish bildirgan. Biroq Luninga qaysi klublar qiziqish bildirayotgani noma’lum.

Qayd etilishicha, Andrey 2025 yilning yozidayoq "qaymoqranglilar" safida barqaror o‘yin amaliyoti yo‘qligi sababli takliflarni ko‘rib chiqishga tayyor.

Yanvar oyida "Real Madrid" prezidenti Florentino Peres klub rivojiga hech qanday ta’sir o‘tkaza olmaydigan ba’zi futbolchilarni transferga qo‘yishga qaror qilgani haqida xabarlar tarqalgan edi. Ular orasida shartnomasi 2030 yilning yoziga qadar tuzilgan Lunin ham bor edi.

Jami Andrey joriy mavsumda “Real” safida barcha turnirlarda 8 ta o‘yin o‘tkazib, 10 ta gol o‘tkazib yubordi.