Жума оқшомида "Бавария" ўз мухлисларини "Вердер" устидан йирик ҳисобдаги ғалаба билан хурсанд қилди. Биринчи бўлимда гол уролмаган Венсан Компани шогирдлари танаффусдан сўнг рақиб дарвозасига жавобсиз учта гол уришга муваффақ бўлишди. Харри Кейн дубль қайд этган бўлса, Лерой Сане яна бир гол уриб, ҳисобни 3:0 кўринишига келтирди.
Кейн иккала голини ҳам пенальтидан киритди. «Besoccer» хабарига кўра, англиялик футболчи бир мавсумда пенальтидан урилган голлар сони бўйича Бундеслига рекордини такрорлади. Кейн ушбу Германия чемпионатида пенальтидан тўққизта гол урди. Ҳарри янги рекорд ўрнатиш учун Бундеслигада яна битта пенальтини голга айлантириши керак.
