Испания чемпионатининг 23-тури доирасида "Реал" ва "Атлетико" ўртасидаги Мадрид дербиси бўлиб ўтди. Учрашув 1:1 ҳисобида дуранг билан якунланди. Голларга ҳужумчилар Килиан Мбаппе ва Хулиан Альварес муаллифлик қилишди.
Ла Лига матбуот хизмати ўтган учрашувнинг энг яхши футболчисини аниқлади. Бу аргентиналик Альварес эди. Биринчи бўлимда Хулиан 11 метрлик жарима зарбасини муваффақиятли тарзда "қироллик" клуби дарвозасига жойлаб қўйди.
Жорий мавсумда форвард Ла Лиганинг 23 та учрашувида иштирок этди. Аргентиналик футболчи еттита гол урди ва иккита голли узатмани амалга оширди.













